चढाई पुर्ण केल्यावर तुम्हाला हि सात कुंडे दिसतील. किल्ल्यावरील इतर ठिकाणी जाण्यासाठी 7 कुंडे हा starting point किंवा base म्हणून या वेबसाईटमधे वापरला आहे. म्हणजेच किल्ल्यावर तुम्ही हरवला असाल तर या 7 कुंडांपाशी या. त्यानंतर पुढील नियोजन या वेबसाईटचा वापर करून करा.

या कुंडांमधे बाराही महिने पाणी असते. नवखे पर्यटक / ट्रेकर्स या कुंडांमधील पाणी पिण्यासाठी वापरतात. emergency असेल तरच या कुंडांमधील पाणी पिण्यासाठी वापरा. कारण हे पाणी जंगलातील पशू व प्राणी देखील पितात. तसेच काही पर्यटक / ट्रेकर्स यात पोहतात किंवा पाय बुडवून बसतात. Ignorance is bliss म्हणतात ते खरेच आहे. कारण आम्ही लहानपणी या कुंडांपैकी विशिष्ट कुंडामधील पाणी गाळून प्यायचो. अर्थात तो काळ खुपच वेगळा होता. त्या काळी फक्त स्थानिकच या किल्ल्यावर यायचे. आता हजारो पर्यटक / ट्रेकर्स येतात. ते कसे वागतील याचा काहीच नेम नसतो. म्हणून या कुंडांमधील पाणी आम्ही पीत नाही.